(ആര്ഷ അഭിലാഷ്)
കടല് കടന്നു മല നടന്നു
പുഴ കാണുക ചുഴി കാണുക
പഞ്ചാര പൊഴിയുന്ന മണല്ത്തിട്ട കാണുക
പൂ മണക്കുക കായ് പറിക്കുക കിളിയോടൊപ്പം
കവി പാടിയ പോലൊരു എതിര്പാട്ട് പാടുക
അറിയാം-ചെടിയെ കുറിച്ചെഴുതി പൂക്കളെ
കുറിച്ചെഴുതി തടുത്തിട്ടും എത്തുന്ന വസന്തങ്ങളെ
കുറിച്ചെഴുതി ഒരു കുഞ്ഞു വിത്താ മണ്ണില് നട്ടില്ല !
പുഴയെഴുതി, മഴയെഴുതി തിളങ്ങുന്ന
തണ്ണീരിന് കിണറിനെയെഴുതി .
കാത്തു വെച്ചില്ലൊരു കുഞ്ഞിക്കുടം പോലും
കാലം തെറ്റിയെങ്കിലും പെയ്യുമാ മഴ കൂട്ടി വെയ്ക്കാന് !
മലയെഴുതി മണലെഴുതി
കരിമ്പാറ കെട്ടുകളെഴുതി
വയല്വരമ്പോടിയ കഥകളെഴുതി
ഞാന്, മകനൊരു കഥയ്ക്കുള്ള കടലാസ് കരുതിയില്ല .
ഒരു മണം നല്കാന് ഒരു പൂ കാത്തു വെച്ചില്ല
ദാഹമെന്നോതുമ്പോള് നല്കാനൊരിറ്റു ജലം
ഒരു കളിവീടിനോരല്പ്പം മണലും കുഞ്ഞു തിട്ടയും
ചാടിക്കടക്കാനൊരു വയല് വരമ്പീറന് ,
കരുതീലയെങ്കിലും
പോയ് വരികെന്റെ മകനെ എന്നെ ഞാനാക്കും മണ്ണില്
നല്ലൊരു കവിത ...പൊതുവേ കവിതകളില് ഇപ്പോള് കവിത്വം കുറവാണ് ..പക്ഷെ ഇതില് അത് കണ്ടു ...സന്തോഷം ...
ReplyDeleteനന്ദി ദീപാസേ :) സന്തോഷം ട്ടോ ഇങ്ങനെ കേള്ക്കുമ്പോള്
Deleteഅറിയാം-ചെടിയെ കുറിച്ചെഴുതി പൂക്കളെ
ReplyDeleteകുറിച്ചെഴുതി തടുത്തിട്ടും എത്തുന്ന വസന്തങ്ങളെ
കുറിച്ചെഴുതി ഒരു കുഞ്ഞു വിത്താ മണ്ണില് നട്ടില്ല !
... good one.
സന്തോഷം മനൂ :)
Delete