ഒറ്റമുറിയിലൊരേ നേരം

 (മനു നെല്ലായ)

പകൽ
മയങ്ങിയൊരു
മുറി


സന്ധ്യയിൽ വീണു
തലയുടഞ്ഞു ചുവന്നു
പോയ നാം

നീ ജാലകമടക്കുന്നു
നിഴലുകളുടെ
കുപ്പി തുറന്ന്/
തണുപ്പിന്റെ ചഷകം
നിറക്കുന്നു.

രതിയോളം നുര
പതയുന്ന ഞാൻ..

ഒറ്റ വാക്കിന്റെ വ്യഗ്രതയിൽ
വിഷം തീണ്ടുമീ ആലിംഗനം.

കൊടുംകാറ്റൊരു ചുംബനം_-
 അനാദി വര്ഷമൊരു തേടൽ /
ഒരേ നനവിൽ
പെയ്തു തോരാതെ നാം.

യാമങ്ങൾ നമ്മിൽ
ചിറകറ്റ നിദ്ര .

ഒരു മരണ മൂർച്ഛയുടെ പിടയലിൽ
പുലരി കൂവുന്നു.

ഇരുളിന്റെ കുഴിമാടം തുറന്നു
രണ്ടു പരിശുദ്ധരെ പോലെ നാം
ആവർത്തനങ്ങളിലേക്ക് എഴുന്നേൽക്കുന്നു

നാം എഴുന്നേൽക്കുന്നു.
.