(അഞ്ജു നാരായണന്‍)
ഹൃദയത്തിനുള്ളില്‍ ഒരു
ഗര്‍ഭസ്ഥ ശിശുവിന്റെ തുടിപ്പുണ്ട്‌.
കാതോര്‍ത്താല്‍ കേള്‍ക്കാം,
ഒരു കുഞ്ഞിന്റെതെന്നപോലെ
നന്മയുടെ ഞരുക്കങ്ങള്‍.
പ്രസവിക്കാനൊരുങ്ങുന്ന
അമ്മയെപോലെ നാം
ശ്രദ്ധാലുവായിരിക്കണം.
സ്വാര്‍ത്ഥതയും ദുഷ്‌ചിന്തയും
പാനം ചെയ്യുന്നത്‌
ചുരുട്ടിപിടിച്ച കൈകളിലും
ഇറുക്കിയടച്ച കണ്ണുകളിലും
ഓട്ടിസം പടര്‍ത്തിയേക്കാം.
ശുഭചിന്തകളിലുറങ്ങി,
അന്യന്റെ ദു:ഖങ്ങളില്‍ തലോടി
സന്തോഷത്തിനെ പകുത്തു നല്‍കണം.
ആത്മവിശ്വാസത്തോടെ
കുഞ്ഞിനെ പ്രസവിക്കുമ്പോള്‍
നന്മയുടെ സുഗന്ധം പടരും..
ഹൃദയത്തിന്റെ അഗാധതയില്‍
പെറ്റൊഴിഞ്ഞ ഗര്‍ഭപാത്രം
ഇനി ശവക്കലറയാണ്‌,
ജനിപ്പിച്ച തിന്മകളെ
കഴുത്തുഞരിച്ച്‌ കൊന്ന്‌
ഈ ശവക്കലറകളില്‍
അടക്കം ചെയ്യാം.
അവയിനി മുളച്ചുപൊന്തില്ല.
ഇതിനോടകംതന്നെ,
നന്മയുടെ കുഞ്ഞുങ്ങള്‍
ഹൃദയത്തില്‍ നട്ട മരം
വേരുപിടിച്ചു കഴിഞ്ഞിരിക്കും...
അഞ്ജു നാരായണന്‍
No comments:
Post a Comment